Милям цельмы
«ЯБЛОКО» партилэн валтӥсь целез - конституциез тӥятэк, кылдытыны сыӵе туала эрикрадо демократи мерлыко кун, кудӥз быгатоз Россиез рос-прос азинтыны но кунмуртъёс (гражданъёс) понна сюлмаськоз.
Малы ми Думае мынӥськомы?
«ЯБЛОКО» парламентэ кунмуртъёслэсь мылкыдаськонъёссэс возьматон понна но верам цельмес матэктытӥсь катъёс кутон понна мынэ.
Малы пумит ми луиськомы?
Кивалтӥсьёслэн но бизнеслэн огазеяськонзылы пумит. Ми косӥськом:
- быдтыны вань «кормушкаосты», кудъёсыз ласянь ресурсъёсты вузаса поттэм но бюджетысь коньдон олигархъёслэн но чиновникъёслэн кисыязы сюре;
- бизнесменъёсты но соослэсь матысь ӵыжы-выжыоссэс кун ужан интыосын ужаны лэзёно ӧвӧл;
- офшоръёсын зарегистрироваться карем компаниослы выт тыронэз нимаз радъяны; залоговоӥ аукционъёсын табыш басьтӥсьёсты компенсация кадь выт тырытыны.
Коррупцилы пумит. Ми косӥськом:
- ООН-лэн конвенциезлэсь коррупцилы пумит кариськон сярысь 20-тӥ статьязэ, кудӥз косэ кыл кутытыны табыш басьтэмзэс валэктыны быгатӥсьтэм чиновникъёсты, быдэскын юнматыны;
- вань чиновникъёслэсь деклорациоссэс эскерыны но кун ужан интыосысь улляны сыӵеоссэ, кудъёсыз уг быгато валэктыны табыш басьтэмзылэсь но ваньбурзылэсь легальноӥ луэмзэс;
- чиновникъёсты но депутатъёсты компаниослэн директоръёссылэн советъёсазы пырыны лэзёно ӧвӧл.
Кунмуртъёслэн быгатонлыкъёссылэн пӧртэм луэмзылы пумит. Ми косӥськом:
- чиновникъёслэсь но депутатъёслэсь улон инты, эмъяськон, транспорт но мукет обслуживание ласянь привилегиоссэс быдтыны; «мигалкаосты» кутэмзылы пумит луыны;
- чиновникъёслы но огшоры кунмуртъёслы кылдытыны огъя пенсия басьтон сӧзнэт; бадӟым но пичи бизнесэз эрикрад ласянь огкадь карыны.
Калыкъёслэсь куспазы тушмонъяськонзылы но чидасьтэм луонзылы пумит. Ми косӥськом:
- калыкъёс куспын тушмонъяськон понна но этническоӥ но расовоӥ тодметъёсъя ултӥян понна туж зол кыл кутытыны;
- шор ёзо школаослэн программаазы калыкъёс куспын астэ возёнъя урокъёс пыртыны.
Тоталитаризмлы но сталинизмлы пумит. Ми косӥськом:
- Сталинлэсь но большевикъёслэсь репрессиоссэс оправдать карисьёсты кыл кутытыны;
- тоталитарноӥ улонлэсь бервылъёссэ палэнтон понна кун программа кутыны.
Ма понна ми нюръяськиськом?
Туала кун понна - адямилэн но кунмуртлэн эрикрадо но эрико кунэз понна
Муртлэн йӧтылонтэмлыкез но эрикрадэз понна
- муртлэсь улонзэ шараянтэм понна: муртъёсын ваче гожъяськемез, телефонэн вераськемез, юртъерезлэн ӥӧтылонтэмлыкез;
- муртлэсь эриксэ мугтэк быдтонлэсь но сюбегатонлэсь утён понна;
- эрикрадъёсты утись органъёсын ужасьёсты, эрикрадэз тӥяса, кунмуртъёслы пумит маке лэсьтэмысьтызы, кыл кутытон понна;
- тюрьмаосын но поселениосын кунмуртъёсты умоӥ условиосын возён ласянь гарантиос понна.
Кунмурт эрикрадъёс понна
- пикетъёсты, митингъёсты, шествиосты, демонстрациосты вераса ортчытон понна;
- пиосмуртъёслы но кышномуртъёслы одӥг кадь эрикрадъёс ласянь гарантия сётон понна, кышномуртъёсты ёртонэз но дискриминировать каронэз палэнтон;
- комерческоӥ луисьтэм огазеяськонъёсты кылдытон но соослэн ужамзы ласян эрик сётон;
- СМИ-лэсь эриксэ чаклан;
- эрико ӥӧскалык телевидение кылдытон.
Демократия понна
- быръёнъёс дыръя алдаськыны, административноӥ ресурсъёсты кутыны лэзёно ӧвӧл;
- быръён комиссиосты кылдытыку, одно ик вань партиослы пыриськоно;
- политическоӥ партиослы регистрациез капчиятоно;
- вань уровеньёсын каткылдытӥсь (законодательноӥ) собраниосы пырон понна бырӥисьёслэсь куараосэс люканэз 3%-тозь ӧжытатоно;
Эрико зэмлыко суд понна
- судлэн коррупциеныз но политикаен герӟаськеменыз йырин, янгышен кыл кутытэм муртъёсты эрике лэзёно но реабилитировать кароно;
- юри шонертэм решениос кутӥсь судьяосты юн кыл кутытоно;
- судьяослэсь корпуссэ чутырак выльдоно.
- Спецслужбаосты но силовоӥ структураосты кунмуртъёсын чаклан кулэ луыны;
- ФСБ-лэсь, ФСО-лэсь, полицилэсь но мукет силовоӥ структураослэсь полномочиоссэс валантэм юн паськытатӥсь катъёсты но катъя актъёсты быдтоно;
- парламентэн чаклан но расследованиос ортчытон, мерлыко огазеяськонъёсын чаклан кулэ луыны.
Азинлыко федерализм но йӧскалык политика понна
- Федерацилэн субъектъёсысьтыз Федерацилэн кенешаз членъёссэ калыкен быръён;
- РФ субъектъёсаз быдэсъясь-радъясь тӧрлыкъёслэсь главаоссэс быръён;
- геополитика, экология но климат ласянь секыт югдырен улосвылъёслы кун юрттэт сётон;
- Росси калыкъёслэсь (удмуртъёслэсь) кылъёссэс но лулчеберетсэс азинтон понна кун уровеньын юрттэт сётон; СМИ-ын Росси калыкъёслэн кылъёсынызы потӥсь публикациос потон понна но вещание мынон понна ялан юрттэт сётон;
- ӥӧскалык элькунъёсын улӥсь адямиослы анаӥ кылынызы умоӥ дышетыны гарантия сётон. Быдэс Россилэн улосвылаз шоръёзо школаосын мылкыд карись нылпиослы анаӥ кылзэс но литератураез дышетыны луонлык сётон.
Интыысь аскивалтон тырбыдэс луон понна
- выльысь учконо катъёсты, кудъёсызъя кутӥсько решениос, интыысь аскивалтэтэн кенешытэк;
- ваньбурысь бичам ваньзэ вытъёсты со интыысь улосвыллы ик кельтоно. Интыысь аскивалтэтэн ӵош решениос кутоно.
Профессинальноӥ армия понна
- Контракт амалэн кылдытэм профессиональноӥ армие выжон; коньдонэн юрттэтэз будэтон но ожгар удысчиослы улон интыос висъян, пенсиосыз тупатонын дискриминациосыз палэнтон;
- Армилэсь лыдзэ, сӧзнэтсэ, техническоӥ оснащенизэ зэмос кышкытлыкез лыдэ басьтыса радъян.
Эффективноӥ кунсьӧр политика понна
- кунлэсь быдэссэ юнматон, бускель шаеръёс понна Россилэсь кышкыттэмлыксэ кылдытон;
- Россилэсь Европаысь но Европеӥскоӥ союзысь кунъёсын кусыпъёссэ азинтон, визаен режимлэсь куштӥськон;
- кунлы кулэ но паӥдалыко луись нормативъёсын но стандартъёсын калыккуспо огазеяськонъёсы но конвенциосы Россилэсь пыриськемзэ паськытатон.
Мерлыко вузпӧр шыръян (экономика) понна
Частноӥ собственностез ӥӧтылонтэм понна
- акционеръёслэсь, кудъёсыз уг быгато компаниен кивалтонэ пыриськыны, корка, квартира, музъем но мукет ваньбур возисьёслэсь эрикрадъёссэс утён;
- ас ваньбурез регистрировать каронэз капчиятон но ӝогомытон.
Вожвылъяськон (конкуренция) понна
- огнын кузёяськисьёслэсь (монополиослэсь) трос уксё быдтэмзэс торгъёс пыр ортчытон;
- огнын кузёяськисьёслэсь корпоративноӥ амалэн уксё быдтэмзэс Интернетын возьматон;
- ужбергатӥсьёслы административноӥ могӟет пуктэм но соосты зӥбем понна секытгес кыл кутытон;
- монополиослэсь тарифъёссэс юнматонэз капчиятон, тарифъёслэсь будэмзэс азьвыл арысь инфляциен ӵошатыса пуктон.
Выль экономическоӥ политика понна но сырьё ласянь зависимостез быдтон понна
Россиысь экономикаез ӝутон понна, ми нимаз улон юртъёс пуктон «Музъем-коркаос-сюресъёс» нимо программа кылдытӥм. Туннэ нуналъёсы ик Россилэн миллионъёсызлы кунмуртъёсызлы ас музъем вылазы корка пуктыны сётон луонлыкез вань. Милям малпаммыя, инфраструктураен музъемъёсты дунтэк частноӥ собственносте нимаз семьяослы коркаос пуктонлы сётыны кулэ. «Музъем-коркаос-сюресъёс» программалэн паӥдаез шӧдӥськоз:
- Кунмуртъёслы дунтэк улон корка пуктыны музъем висъянын, со чотын экономикалэн будэмез адӟиськоз, выль юрт пуктонын миллионъёсын выль ужан интыос усьтӥськозы;
- Кунмуртъёслы сётэм музъемъёсыз инфраструктураё каронын: кунлэн юрттэмезъя сюресъёс лэсьтон, газ пыртон, тыл кыскон, ву пыртон.
Пичи но шоро-куспо бизнеслы юрттэт сётон понна
- Кун внебюджет фондъёсы страховоӥ тыронъёсыз кулэстон;
- Льготноӥ кредитование сӧзнэтэз радъян;
- Музъемез пичи бизнес кооперативъёслы рынокъёслы басьтон эрикрад сётон;
- Арендае басьтэм муниципал юртъёсты но соос улысь музъемъёсты басьтонлы чурыт гарантиос пуктон;
- Ужбергатӥсьёслэсь огъя выт тыронзэс кулэстон.
Мерлыко пӧртэмлыкъёсыз кулэстон понна
- Потребительскоӥ корзинае пырись вузъёслэсь но услугаослэсь паськытатон, прожиточноӥ минимумозь вуттон;
- Минимальноӥ уждунлэн шоро-куспо уждунлэн 50 %-озяз будэмез;
- Пенсиослэн но социальноӥ пособиослэн ӥылэмзы;
- Олексы муртъёслэсь пособиоссэс будэтон, соослы ужан интыос ветлыны луоно интыос кылдытон.
Уж эрикрадлэн гарантиез понна
- Забастовкаос ортчытъяны эрикрад тупатон;
- Заемноӥ ужез быдтон;
- Эрико профсоюзъёс кылдытыны луонлык сётон, профсоюз азьветлӥсьёсты ужысь куштонлы пумит кариськон.
Адями капиталэ инвестициос понна
Дышетонэз азинтон понна
- Дунтэк среднеӥ образование но ваньмызлы тупась дунъем вылӥ дышетскон;
- Нылпи садъёслэн ӥылэмзы, котькуд нылпилы инты чаклан;
- Нылпи садъёсын ужасьёслэсь, школаосысь дышетӥсьёслэсь, шор ӧнерлыко дышетсконниосын ужасьёслэсь но вылӥ дышетсконниосын ужасьёслэсь уждунзэс будэтъян;
- Дышетскон ужъюртъёсын коммерциализацилэсь куштӥськон, коррупцилэсь чакласькон.
Тазалыкез утёнлэн ӟечлыкез понна
- Дунтэк тазалыкез утён сӧзнэтэз радъян;
- Эм удысын ужасьёслэсь уждунзэс будэтон;
- Калыклы дунтэк диспансеризация ортчыны луонлык сётон;
- Эмъюмъёсты но эм оборудованиез импортировать каремысь вузвытлэсь куштӥськон.
Тодослы юрттэт сётон понна
- тодосчиослэсь интеллектуальноӥ собственностьсылы чурыт гарантиос тупатон;
- егит тодосчиослы кун юрттэт сётон;
- тодослыко ужъёсыз ортчытонлы басьтэм импорт оборудованиысь вузвытлэсь куштӥськон.
Кунмуртъёсыз огъя росси лулчеберетэ кыскон понна
- лулчеберет удысэ тросгес коньдон висъян;
- лулчеберет объектъёсы ваньмызлы пырон-потон луонлык сётон;
- кун чотын егитъёсыз лулчеберет улонэ кыскон.
Котырысь улослэн чылкытлыкез понна
- Экологи министерствоез улӟытон;
- Кун экологи экспертизая институтэз улӟытон;
- кунгож сьӧрысь уже кутылэм ядерноӥ топливоез ваёнлэсь куштӥськон, выль АЭС-ёс пуктонлэсь куштӥськон но вужмемъёссэ быдтон.
«Яблоко» Россилэн кунмуртъёсызлы ӵектэ сыӵе программа, кудӥз асьме кунмылы азьлань вамышъяны луонлык кылдытоз. Сыӵе азинлыко сюрес кузя мынӥзы но мыно вань кунъёс, кудъёсыз XXI даурлэн кутсконаз вылӥ ӟечлыкен уло.
Туннэ нуналэ асьме кунмы быръён азьын сылэ:
- яке со XXI дауре азинскон сюрес кузя кошкоз;
- яке вуж сюрестӥз вамыштоз, озьы куинетӥ дунне кунъёс дорозь лэзиськоз но тазьы XXI даурлэн шорозяз гинэ чидалоз.
Тае бырӥыны кулэ тӥ, гажано бырӥись эшъёсмы!
